Ek het na hierdie aarde gekom
Om verhale en gedigte
Stories en fragmente
Op stukkies papier
In boeke en in blaai
In tydskrifte en laaie
In bundels en bondels
Te versamel
Fotos en brosjures
advertensies en artikels
koerantknipsels en mooivirmyverdigsels
Ook eie skeppinge:
Eers was daar nederige eie kinderpogings
Kietsikatsivanlobatsie rymelary
Maar tussen deur het my soul
Romanties en liries opgestaan
Om aan die wereld
maar bowenal myself
in woorde en knipsel
uit te wys:
ekseffeanners
Nou publiseer ek op die
worldwideweb
skryf op facebook
en blog in myjournal in joomla taal
Ek weet nie of een mens dit ooit sal lees
maar die skrywer in my can't care
Ek weet ook soos my boodskap
soos die Voayer sateliet die heelal ingaan
die kanse goed is dat die net
van die worldwideweb
al nouer
om my trek:
eendagiseendag dat iemand
my gesig
by my woorde gaan sit.
Nes van Gogh sal ek dan staan
Afoor en naak
Grotesk gekend
Onwaardeerde geskenk
Onverkoop en
Uitverkoop
Nie verstaan
Te vroeg vir my generasie
En te laat vir die wat na my kom
Wat moontlik van beter sal weet
(maar ten minste het ek die troos;
ek het ten minste my gedagtes en vertwyfeling
iewers in ‘n kuberdoos
gebere
met die hoop
vir nog sulkes soos ek
na my of nou
dat hul iewers dotjies en dot.coms sal connect
en so ons conscious cosmic intellek
en oordeel van die wereld
sal verbeter)
No comments:
Post a Comment