EILAND BESTEMMINGS

Ons reis nie net in treine nie
Ons roei ook oor riviere;

Ongekaart en ongeken

Elk in sy eie songeelkayak

Dit was nog altyd ons droom om so

bruin en gesprierd die oseane van die wereld te bevaar

Aangevuur met eie krag en spier

Ek kyk oor my skouer na hom

in die sproei van wit branders

Daar bars ‘n vreugde uit sy nate

en kielie in dun soutstraaltjies tussen sy blaaie af

Die eiland wat ons aandoen is pasgeskep verlate net vir ons bedoel

Ons le^ in die son

naak en ongeraak

deur die eise van ‘n wereld

en keuses leeftye vroeer gemaak

“Ek het jou so opgedink

eendag op ‘n rots by Bettysbaai"
se^ ek:

My lover, my friend

Met eenderse DNAtekens en geslagskode

Dus bestaan jy eintlik net in my droom

Al dink jy jy leef regtig”

“En ek het JOU gekies.."
vertel jy my weer

"..In die voorafleweplek het ons besluit

om mekaar weer hier op aarde te kom ontdek

Dus weet maar net

Dis ek! wat die shape van jou tong gekies het om
so louwarm soos heuning

In my nek te kom afdrup”

Ons maak natuurlik weer liefde

in die son en op die sand

Ons bote eenkant, soos getroue honde wat wag

spane uitgestrek soos ons lywe

gereed vir die volgende span van spier en skouer

as spane vlerke word wat klief en sprei
en wit soos sproei oor die boe breek

Ons dag,

nee uur,

van afskeid kom ongenaakbaar nader

Die son begin te sak oor die kim

Ons klim in ons bote en roei

‘n donkerwordende horison
van afskeid tegemoed.