Babette sou gekook het
hoe haar voorbereiding sou wees
vir die groep wat in stilte bymekaar gaan kom
om die lewe
soos ons dit ken
vir oulaas saam te eet
ek wens ek kon vandag die movie sit en kyk
en heling
hulp selfs
vind
in die beweging en flyt van haar hande
asof daar uit die ritueel van die voorbereiding
geregte vir heling opgedis sou kon word
ek hoor potte rinkel
eiers in bakke breek
koppies in afmeting sag sug
alles word opgeklits
tot 'n eklektiese mengsel van proe en genot
prut en pot
maar eenkant brand die vuurherd
skerp en helder
byna te warm
en die gemesde vark
en kwartels le
kop af
gestroop van lewe
gereed om offer te wees
Subscribe to:
Post Comments (Atom)
No comments:
Post a Comment