GOODBYE CRUEL WORLD

Hallo

met elke vertellende email
voel dit my of ons koffie/tee
saam met jou drink
in die lady, die queen se parlour
ons vladder soos vliegies teen die muur
sy weet nie van ons nie
maar ons sien als

die lewe en doodgaan
laaste koebaai se^ storie
al vat dit ook weke, maande, jarre, leeftye!!!

my lewe hier speel op ander note
as jou operette daar
vir beide is die gordyn egter gelig
en die show must go on
en is aan die gang
trane of nie trane nie
lus vir weghol of nie
jy verdien punte vir uithouvermoe
en jou bobotie laat my honger voel
dit reen koudkoud vandag weer in afrika
ek sit met vekluimde hande voor die heatehr en tik
die see is al vol maar die hemel wil nie ophou huil nie
dit wemel van haar trane
dit stort oor berge en spoel paaie toe
plakkerhutte dryf straataf
mense veg om vel en vlees aan mekaar te hou
hul operette het weer ander swaarder note
as ons sin
meer barriton agtig
onheilspellend

elk geval

eks nog steeds uitgeskryf aan die blog
maar ek lieg
eks eintlik meer bang as enige iets anders
om my voet in daardie buurt van erkentenisse te sit
waarheid sluip soos donkerte op 'n mens af
of oorval dit jou dalk eerders soos 'n te vinnig sonsopkoms?
(waarheid is mos veronderstel om lig te wees)

o
alta olta alterian
ek weet nie hoe lank ek nog so kan aangaan nie
ek sit styf in 'n hoekie gedruk deur die lewe
en ek weier om dit so in te sien
maar ek weet iewers
ek kan my gat nie draai nie
daars geen weghol kans meer nie
eks vas
my slimmigheid is moertoe
my akademies wegdebateerbaarheid is gecorner
eks opgedink en leeggetap

dalk is ek amper bereid
om koebaai te se^
vir almal
ja se^ maar almal want daar gaan min oorbly
na die aankondiging

maar se moer
vir wat moet ek aankondig!!!!
en wat moet ek aankondig??
en ir wie ?
nee fokkof eerder !!!!
laat ek slaap met wie ek wil en los my uit
laat ek wakker wees met wie en wanneer ek wil
en neuk weg wereld
wat het dit met jul uit te waai
druk jul neuse elders in

o moer
eks vervelig
'n ander woord is seker gutloos
spineloos
die vrou het in 'n storieboek vir haar useless man gese^
wees tog net mans genoeg om om godsnaam vir my te se^ jy wil my skei

maar JY weet hoe erg dit is om die woorde
bymekaar te skraap en uit jou keel te spoeg

help
of los my uit
maak ook nie saak nie


gewoonlik beplan ek goed en ver vooruit
maak so en doen sus
maar nou ?
ek weet nie ?
nou die dag nog dink ons aan huiskoop in greenways
nou sit ek groen om die kiewe
(en sy weet nog niks
beplan aan baaiskostuums vir Mauritius
shit!!!
sys nie oppvlakkig nie
dis ek
wat lewens so moertoe stuur

Ek moet seker dink aan huis vir myself
groot genoeg om kinders in te ontvang vir naweke
dalk 'n drie slaapkamer moderne woonstel wat oor die see uitkyk
lig en lewe
warm kleure
'n nuwe veilig hawe na Hirosjima
naby aan debeersweg maar ver genoeg

koebaai
susters
koebaai swaers
voertsek kleinte
baai oppervlakkige vriende
baai image wat die wereld van my gehad het
koebaai skoonma
tannie
oom
nefies
niggies
god be with u all
Ef julle almal

ek moet pad vat
en oor hope verdriet
kaalvoet soos oor dorings hol
distels en brandnetels sal my skoene wees
maar pad sal ek pad moet vat
my lyf het klaar gekies
hyt soos 'n donkie viervoetgaanvassteek
enough is enough
het hy geskreeu
jy kan jou brein fool so lank jy wil
die stupid kan val vir ydel useless woorde
so lank hy wil
maar ek
lyf lekkerkryplek
eerlike taktlose vertolker van wat reg en verkeerd VOEL
werk nie meer aan die halwe waarheid nie!!!


koebaai dus
ma
gelukkig
het ek jou klaar gegroet
en
"goodbye cruel world"
(ontleen aan Pink Floyyd)(another Brick in the wall)
("i am leaving you today")


in elk geval World

jy is ook maar net cruel omdat ek/ons jou laat cruel wees
oor 'n jaar van nou
lyk jy dalk anners