NA DIE VERTREK

hulle het
die gordyne dig getrek
in die huis van eet
die knop in die keel
was te swaar,
gestol soos lood
hul is gevoed
deur hartseer en leed
die swaar gedekte tafels
in lanfer en linne
het net so bly staan;
blomme het tot stof verwelk
room het tot verganklikheid gedrup
aarbeie het in bloed gesmelt
en ten skemer het die son
aleen en traag
van bord tot bord gedwaal
lang skadus het somber prente
teen die mure geteken
die huis van dood
die banket van lewe
was swaar en swanger aan gestolde stilte


Hi Alta
ek teken sommer vir jou bostaande prentjie
omdat jou begrafnisvertellings my daaraan laat dink
maar dit ego ook iewers die swart galgordyn in my gemoed

weet nie regtig hoe dit met jou gaan nie
lees so af en toe van die depro tussen die lyne
hier by my drup gal ook soms in kele af

dis drink aan die bitter pil van die lewe
(wat soms 'n beker van vreugde is en soms
'n beker wat liefs verby kan gaan)
maar drink moet ons drink
om die dors aan lewe te probeer les

hier by my
is die aankondiging
wat my lewe finaal op sy kop gaan laat staan
naby
die woorde kort
waar die waarheid en dringendheid daarvan
druk in my keel
but you know what
i cant help it anymore
my soul het my gehijack
en weier om bes te gee
ek is 'n pion in sy kloue

eks bang
maar ek weet ek moet
ek is bang vir die seer
die stukkend gooi
die skerwe
die finaliteit
ek wens die beker was nie MY beker nie

maar HY is
die beker is EK
MY LEWE
MY LOT
MY TAAK om te drink
die gal en pyn mengsel daarin
MOET geledig word

maar moet kort moed

tog glo ek
ek is nou dapper genoeg
desolated genoeg
lonely genoeg
dood genoeg
beangs genoeg
verlore genoeg
bevrees genoeg
moedeloos genoeg
om te weet
ek moet


maar vrees nie
eks okey
ons wat sterk genoeg lyk
vir die lewe om sulke bekers te bedink
sal ook die krag kry om ons lippe om sy rand te kry


eks klaar en moeg gedwaal
in die land van woorde
van beelde
van nuanses
van suggesties
van hoop
van wonder
van probeer verwoord
van probeer teken
van probeer simboliseer
van pogings aanwend
van probeer verduidelik
van probeer laat verstaan
van self probeer verstaan

ek is moeg gekeer
aan wat ek is
moeg
gevrees vir wat ek is
moeg gehardloop
om voor myself te probeer bly


daarom
hendsop ek nou
my hande is in die lug
my polse is wit na bo gekeer
hier is ek
ellende
hier lewe
hier hoop
hier verdomde eerlikheid
hier
lot
maak met my wat jul wil


iewers sal ek kyk wat gebeur
met nog 'n laatste bici hoop
maar nie te veel verwagting nie



more skryf ek my in by die gym
ek het my kayak blink gevryf vandag
drafskoene uitgegrawe
want ek kan ten minste
my lyf weer laat werk
die res
sal soos my soul
maar agterna gedragg moet word

groete
uit afrika
waar dinge aan die verander is


jouwoordvriend
watbinnekortwoordeloossalwees
maarvrygenoegomsyhandeerlikaanlewetewaag


e